ریل یاتری اپنے پارٹنر ریستورانوں کے ساتھ مل کر یہ وعدہ کرتا ہے کہ وہ ٹرین میں صاف ستھرا کھانا مہیا کرے گا۔ اس نے صفائی ستھرائی کا اپنا طریقۂ کار پیش کیا ہے جس کو کچن میں صفائی ستھرائی کے معیار کو برقرار رکھنے کے لئے اپنانا ضروری ہے ۔
ذخیرہ اندوزی
کھانے کی اعلی معیار کی جو اشیاء آپ خریدتے ہیں وہ سستی نہیں ہوتی ہیں۔ اس لئے اگر آپ منصوبہ بند طریقہ سے سامان کی ذخیرہ اندوزی کر کے رکھتے ہیں تو نہ صرف یہ آپ کی قوت خرید کو برقرار رکھتا ہے بلکہ سامان کو بہترین طریقہ سے استعمال کرنے میں مدد بھی کرتا ہے۔
پہلے آئے ہوئے سامان کو پہلے استعمال کریں:کھانے کی اشیاء کا معیار برقرار رکھنے کے لئے ضروری ہے کہ ان کو ان کے کارآمد رہنے یا قابل استعمال رہنے کی میعاد کے دوران ہی استعمال کر لیا جائے۔ جب آپ سامان کی ذخیرہ اندوزی کریں تو نئی اشیاء کو فریج کے پچھلے حصہ میں رکھیں۔
ہر چیز پر لیبل لگا کر رکھیں:اگر کھانے کے پیکٹ پر تاریخیں بہت چھوٹے حروف میں لکھی ہوئی ہیں تو ذخیرہ اندوزی کرنے سے پہلے تاریخوں کو بڑے حروف میں لکھ لیں۔
گوشت والی اشیاء کو نچلے خانوں میں رکھیں۔
کھانے کی اشیاء ایسے ڈبوں میں بند کر کے رکھیں جن میں ہوا کے داخل ہونے کا امکان نہ ہو۔
ٹھنڈی جگہوں میں ذخیرہ اندوزی:ضروری ہے کہ جس ریفریجریٹر میں آپ ذخیرہ اندوزی کر رہے ہیں وہ کھانے کے درجۂ حرارت کو 0 سے 8 ڈگری سیلسیس کے درمیان رکھنے کے قابل ہوں۔
کھانا تیار کرنا
کچن کی صفائی ستھرائی کا معیار طے کرنے میں کھانے کو صاف ستھرے طریقہ سے تیار کرنا ایک اہم عنصر ہے۔
کھانے کو الگ کرنا:ذخیرہ اندوزی کرنے کے وقت یا کھانا تیار کرتے وقت کچی چیزوں اور کھانے کے لئے تیار چیزوں کو الگ الگ رکھیں تاکہ وہ ایک دوسرے سے خلط ملط نہ ہوں۔ کھانا تیار کرنے سے پہلے سطح کو اچھی طرح سے صاف کرنے کو یقینی بنائیں۔
کھانا پکانا اور سرد کرنا:کھانا اچھی طرح پکائیں تاکہ اس میں موجود نقصاندہ جراثیم مر جائیں۔ گوشت یا چکن کی کوئی چیز ہو تو اس کو پکانے سے پہلے غیر منجمد کریں۔ کھانا یا تو آپ پکانے کے فورا بعد پیش کریں یا پیش کرنے سے پہلے تک وقتا فوقتا چیک کرتے رہیں کہ کھانا گرم ہے یا نہیں۔ اگر آپ وقت سے بہت پہلے ہی کھانا پکا رہے ہیں، تو اس کو ٹھنڈا ہونے کے بعد جلدی سے فریج میں رکھ دیں۔ اگر 2 گھنٹے کے اندر کھانے کو فریج میں نہیں رکھا گیا تو اسے پھینک دیں۔
کھانا پیک کرنا
کھانا تیار کرنے کے پورے مرحلے میں اس کو اچھی طرح سے پیک کرنا ایک اہم مسئلہ ہے۔
گرم اور ٹھنڈے کھانے کو الگ رکھنا:ٹرین میں ڈیلیوری کے عملہ کو چاہئے کہ وہ کھانے کو مناسب درجۂ حرارت پر رکھنے کے لئے الگ الگ گرم اور ٹھنڈے محفوظ تھیلوں کا استعمال کریں۔
نوٹ: ریل یاتری دودھ، سوپ اور چائے جیسی مشروبات کو جدید قسم کے تھرمس میں رکھنے کی سہولت فراہم کرتا ہے۔
سائیڈ ڈشز کو سائیڈ میں ہی رکھیں:کھانے کی سبھی اشیاء کو ان کے مخصوص ڈبوں میں ہی رکھیں۔ اس سے ڈبوں میں سوراخ ہونے یا ان میں سے کھانے کے ٹپکنے کا خطرہ کم ہوگا۔
نوٹ: ریل یاتری کھانے کو”واؤ میل باکس” میں پیش کرتا ہے، کیونکہاس طرح کی پیکنگ میں کھانے کے ٹپکنے کا امکان نہیں رہتا ہے۔
عملہ کی صفائی ستھرائی
یہ اہم ہے کہ ریستوراں کے کچن میں کام کرنے والا عملہ اپنی ذاتی صفائی ستھرائی کے اعلی معیار کو قائم رکھے۔ اس بات کو یقینی بنائیں کہ وہ اپنے ہاتھ اچھی طرح دھوئیں۔ اس کے علاوہ ضروری ہے کہ وہ کچن میں سگریٹ نوشی، کھانسنے، چھینکنے یا کسی تیز قسم کی خوشبو کے استعمال سے بچیں۔ کھانا تیار کرتے وقت ہاتھوں میں دستانے پہننے کو یقینی بنائیں۔
کیڑے مکوڑوں پر قابو پانا اور کوڑے کا انتظام کرنا
کیڑوں اور چوہوں سے بچنے کے لئے کچن کے علاقہ کو صاف ستھرا رکھیں۔
ریستوراں کی عمارت اور کچن میں کیڑے مکوڑوں سے بچنے کے لئے وقتا فوقتا دواؤں کا چھڑکاؤ کریں۔
تمام قسم کے کوڑے کو ایسے ڈبوں میں رکھیں جو کیڑے مکوڑوں سے پاک ہوں۔
بچے ہوئے کھانےکو ٹھکانے لگانے کے لئے مناسب انتظامات کریں۔
