ഇന്ത്യയിലെങ്ങുമുള്ള റെയില്‍വേ സ്റ്റേഷനുകള്‍ ഗംഭീരമായ നവീകരണത്തിന് വിധേയമാകുന്നതിലൂടെ ഒരു “മെച്ചപ്പെട്ട ഇന്ത്യ” എന്ന തോന്നലുളവാക്കുംവിധം നമ്മുടെ സംസ്കാരത്തേയും ശുചിത്വബോധത്തേയും പുനര്‍നിര്‍വചിക്കുകയാണ്. ഇത്രകാലവും അരോചകമെന്ന് തോന്നിച്ചിരുന്നവയടക്കമുള്ള നമ്മുടെ റെയില്‍വേ സ്റ്റേഷനുകള്‍ക്ക് ഈ നവീകരണ മന്ത്രം ഒരു മായികമോടി പകര്‍ന്നിരിക്കുന്നു.
1. ചെന്നൈ സെന്‍ട്രല്‍ റെയില്‍വേ സ്റ്റേഷന് – വൃത്തിഹീനമായഭിത്തികളും അനാകര്‍ഷകങ്ങളായ അലങ്കരണങ്ങളും ഒന്നും ഇപ്പോള്‍ അവിടെ നിങ്ങളെ അലോസരപ്പെടുത്താത്തതിന് ചെന്നൈയിലെ എന്‍ ഐ എഫ് ടി യിലെ വിദ്യാര്‍ത്ഥികളോട് നന്ദി പറയുക. തമിഴ്നാട്ടിലെ ജനങ്ങള്‍, കല, സംസ്കാരം, പ്രകൃതി ദൃശ്യങ്ങള്‍ എന്നിവയെ പ്രതിനിധീകരിക്കുന്ന കലാസൃഷ്ടികള്‍കൊണ്ട് കമനീയമാകുന്നു അവിടം ഇപ്പോള്‍.
2. ബോറിവലി റെയില്‍വേ സ്റ്റേഷന് – മെയ്ക്ക് എ ഡിഫറന്‍സ് (എം എ ഡി) എന്ന സന്നദ്ധ സംഘടന 500-ല്‍ പരം സന്നദ്ധ പ്രവര്‍ത്തകരുമായി ചേര്‍ന്ന് ഈ റെയില്‍വേ സ്റ്റേഷന് ആകര്‍ഷകമായ ഒരു പുതുമോടി നല്‍കിയിരിക്കുന്നു.
മുംബയ്‍യിലെ ബോറിവിലി മേഖലയുടെ സവിശേഷതകള്‍ ധ്വനിപ്പിക്കുംവിധമുള്ള ചിത്രണങ്ങളിലൂടെ ഗോവണികളും ഭിത്തികളും തൊട്ട് മേല്‍പാലവും ടിക്കറ്റ് കൗണ്ടറും വരെ അത്യന്തം കമനീയമാക്കിയിരിക്കുന്നു.
3. സാവൈ മധോപൂര്‍ റെയില്‍വേ സ്റ്റേഷന് – മൃതപ്രായമായ നാടന്‍ കലകളെക്കൊണ്ട് അലംകൃതമാണ് ഈറെയില്‍വേ സ്റ്റേഷന് ഭിത്തികള്‍. ’വിനോദസഞ്ചാര-സൗഹൃദ സ്റ്റേഷന്’ എന്ന അംഗീകാരവം ഈ സ്റ്റേഷന് ലഭിച്ചിട്ടുണ്ട്.
വേള്‍ഡ് വൈഡ് ഫണ്ടിന്‍റെ (WWF) സഹായത്തോടെയുള്ള ഈ സ്റ്റേഷന്‍റെ നവീകരണത്തിന്‍റെ ഭാഗമായി ആ പ്രദേശത്തെ സസ്യജാലങ്ങളുടേയും മൃഗങ്ങളുടേയും പെയ്ന്‍റിംഗുകളും ചുവര്‍ ചിത്രങ്ങളും കട്ട്-ഔട്ടുകളും കൊണ്ട് അവിടമെല്ലാം അലങ്കരിക്കപ്പെട്ടിരിക്കുന്നു.
4. കിംഗ് സര്‍ക്കിള്‍ റെയില്‍വേ സ്റ്റേഷന്, മുംബയ് – ഒരിക്കല്‍ അനാകര്‍ഷകമായി കിടന്നിരുന്ന ഈ റെയില്‍വേ സ്റ്റേഷന് ഇപ്പോള്‍ ഹിതകരവും വര്‍ണാഭവുമാണ്. 2000-ല്‍ പരം ആളുകള്‍ ചേര്‍ന്നാണ് ഈ സ്റ്റേഷന് ശുചീകരിക്കുകയും പെയ്ന്‍റ് ചെയ്യുകയും ചെയ്തത്. ഭിത്തികളിലെല്ലാം സാമൂഹിക സന്ദേശങ്ങള്‍ കമനീയമായി എഴുതിവച്ചിരിക്കുന്നു.
5. ഭുവനേശ്വര്‍ റെയില്‍വേ സ്റ്റേഷന് – ബകുള്‍ ഫൗണ്ടേഷന്‍റെ സഹായത്തോടെ ഈ സ്റ്റേഷന്‍റെ ഭിത്തികള്‍ കമനീയമായി അലങ്കരിക്കപ്പെട്ടിരിക്കുന്നു.ഒഡീഷയിലെ വിവിധ ജില്ലകളുടെ സാംസ്കാരിക സവിശേഷതകള്‍ പ്രതിഫലിപ്പിക്കുന്ന 13 പാനലുകളുടെ സാന്നിധ്യം ഈ സ്റ്റേഷനെ ഒരു ’ആര്‍ട്ട് സ്റ്റേഷന്’ കൂടി ആക്കിയിരിക്കുന്നു.
6. അലിഗഢ് റെയില്‍വേ സ്റ്റേഷന് – ചില സവിശേഷ ഡിസൈനുകളിലൂടെ ഈ റെയില്‍വേ സ്റ്റേഷന് വര്‍ണവൈധ്യതയാര്‍ന്ന ഒരു പുത്തന്‍ മുഖച്ഛായ കൈവന്നിരിക്കുന്നു. സ്റ്റേഷന്‍റെ ഓരോ ഭാഗവും ആധുനിക കലയുടേയും സമകാലീന രൂപകല്‍പനയുടേയും സമേളനത്താല്‍ കമനീയമായിരിക്കുന്നു. അതുപോലെ ശുചിത്വപൂര്‍ണവുമാണ് ഈ സ്റ്റേഷന്.
ഇത്തരം പരിശ്രമങ്ങള്‍ വാസ്തവത്തില്‍ റെയില്‍വേ സ്റ്റേഷനുകള്‍ നവീകരിക്കുന്നതോടൊപ്പം ഇന്ത്യന്‍ നഗരങ്ങളുടെ പൈതൃകത്തെക്കുറിച്ച് അവബോധമുളവാക്കാനും സഹായകമാകുന്നു.
