न पाहिलेल्या मुंबईची बाजू पहायची आहे काय? मरीन लाईनवरून जात समुद्राच्या थंड हवेच्या झोक्याला तुमच्या केसांशी खेळू द्यायचे आहे काय? मग तुमच्यासाठी असलेल्या मिडनाईत सायकलिंगच्या रपेटीवर तुम्ही गेलेच पाहिजे!
इतिहासासह भेटीचे आयोजन
तुमचा शोध सुरु करा आणि जसे तुम्ही मरीन ड्राईव्हला सुरुवात करता तसे मुंबईच्या रस्त्यांना उलगडण्यास सुरुवात करा आणि तुमचा प्रवास कुलाब्याला संपवा. या सांस्कृतिक वारशाच्या प्रवासात गेटवे ऑफ इंडिया, नरीमन पॉइंट, हाजी अली आणि इतरांचा समावेश होतो.
मुंबई नाईट राईडर्स
ही रपेट रात्री 11:30 वाजता सुरु होते आणि अत्यंत पहाटेपर्यंत चालते. यामुळे जागतिक सायकलिंगच्या संकल्पनेस प्रेरणा मिळते आणि जगभरातील पर्यटकांना आकर्षित केले जाते. मिडनाईट सायकलिंगचे रोज आयोजन करणारे अनेक समूह आहेत, आणि त्यासाठी 1,000 – 2,500 रुपयांपर्यंत खर्च येतो. हा खर्च ती सायकल आणि तुम्हाला हव्या असलेल्या रपेटीच्या प्रकारावर अवलंबून असतो. परंतु, या रोमांचाबरोबर आव्हानांचा देखील सामना असतो. कठोर शारीरिक परिश्रम असल्यामुळे सहभागी लवकरच थकू शकतात. ही रपेट दोन्ही मार्गे सुमारे 25 किमी एवढी असू शकते.
निदेशक सायकलपटूना विशेष औषधे, मजबूत स्पोर्ट शूज, उर्जा देणारे पदार्थ आणि पाणी सोबत ठेवण्याची शिफारस करतात. यात असलेली महत्त्वाची गोष्ट म्हणजे एकदा ही रपेट सुरु केली की मग सहभागी बाहेर पडू शकत नाही. यात निश्चितच शारीरिक परिश्रम आहेत, पण शहराचे रात्रीचे सौंदर्य जिवंत झाल्याची स्वर्गीय अनुभूती देखील मिळते. थोडेसे कष्ट सहन करीत आपण मुंबईला त्याच्या वास्तविक अलौकिक सौंदर्याच्या रुपात पाहण्याची मौज लुटू शकणार नाही का?
