कोलकाताहून जास्तीत जास्त लोक सुटीसाठी दार्जीलिंग किंवा दिघा येथे जातात. तथापि, नजीकच्या क्षेत्रात अनेक लपलेली रत्ने आहेत. ‘लाल मातीर देश’ म्हणजेच लाल मातीचा प्रदेश म्हणून लोकप्रिय असलेली येथील सर्व ठिकाणे तुम्हाला बंगालच्या प्रेमात पाडतील.
मुकुटामणिपूर
या रमणीय स्थानाचे नाव अंबिकानगर राज्याच्या राणीच्या नावावरून पडले आहे. हे कांगसबाती आणि कुमारी नद्यांच्या संगमावर वसलेले आहे.
आकर्षणे
कांगसबाती धरण
बोपुंकुरीया डीयर पार्क
अंबिकानगर राजबारी (राजवाडा)
अंबिका देवी मंदिर
खरेदीसाठी: बंकुरा हे खास करून टेराकोटा आकृत्यांच्या हस्तकलेसाठी परिचित आहे. त्यामुळे, तुम्ही भरतकाम केलेले कपडे, पर्सेस, इ.सारख्या सुंदर हस्तकौशल्याच्या वस्तू खरेदी करू शकता.
नजीकचे रेल्वे स्थानक: बंकुरा (45 किमी अंतरावर)
अजोध्या पर्वत
पर्वतारोहण शिकणाऱ्या लोकांसाठी हे एक बुरुज, अजोध्या पर्वत पश्चिम बंगालच्या पुरुलिया जिल्ह्यात वसलेले आहे. छोटा नागपूरच्या पठाराचा विस्तार असलेले हे स्थान बंगाल, झारखंड आणि बिहार यांच्या दरम्यान वसलेले आहे. या स्थानी एक ग्रामीण आकर्षकपणा आहे, जो बराच काळ दुर्लक्षित राहिलेला आहे. असे म्हटले जाते की आपल्या 14 वर्षांच्या वनवासाच्या काळात राम आणि सीता यांनी येथे भेट दिली होती; आणि अशा काही जागा आहेत ज्या इतक्या जुन्या आणि गूढ आहेत, ज्यांच्याद्वारे दंतकथांवर विश्वास ठेवण्यापासून आपण स्वतःला रोखू शकत नाही.
आकर्षणे
गोर्गाबुरु
बामनी धबधबे
चारीदा गाव
नजीकचे रेल्वे स्थानक: पुरुलिया रेल्वे स्थानक (40 किमी अंतरावर)
