ನಿಮಗಿದು ಗೊತ್ತೆ, ತಮಿಳುನಾಡಿನ ಕರಾವಳಿಯಲ್ಲಿ ಒಂದು ಅಜ್ಞಾತ ಪಟ್ಟಣವಿದೆ, ಅದನ್ನು ಒಮ್ಮೆ ದಾನಿಶ್ ಜನರು ಆಳುತ್ತಿದ್ದರು ಎಂದು! ಹಳೆಯ ಟ್ರಾಂಕ್ಯುಬಾರ್, ಇಂದು ಅದನ್ನು ತರಂಗಂಬಾಡಿ ಎಂದು ಮರುನಾಮಕರಣ ಮಾಡಲಾಗಿದ್ದು, 150 ವರ್ಷಗಳ ವರೆಗೂ ಅದು ದಾನಿಶರ ಸಾಮ್ರಾಜ್ಯವಾಗಿತ್ತು! 16ನೇ ಶತಮಾನದ ಆರಂಭದಲ್ಲಿ, ದಾನೀಶರು ದಕ್ಷಿಣ ಭಾರತೀಯ ರಾಜ್ಯಗಳೊಂದಿಗೆ ಮತ್ತು ಇಂದಿನ ಶ್ರೀಲಂಕದೊಂದಿಗೆ ಒಂದು ಸದೃಢ ವ್ಯಾಪಾರಿ ಸಂಬಂಧವನ್ನು ಹೊಂದಿದ್ದರು. ಅದಾಗ್ಯೂ, ಈ ಪ್ರವರ್ಧಮಾನ ವ್ಯಾಪಾರವು ಇತರೆ ವಾಸಾಹುತ ಶಕ್ತಿಗಳಿಂದ ತೊಂದರೆಗೀಡಾಯಿತು. ಅವರ ವ್ಯಾಪಾರವನ್ನು ಏಕೀಕರಣಗೊಳಿಸಲು, ದಾನಿಶ್ ಜನರಲ್ ಓವ್ ಜೆಡ್ಡೆ ಯವರು ಕರಾವಳಿ ಪಟ್ಟಣದಲ್ಲಿ ದಾನಿಶ್ ಒಪ್ಪಂದಗಳನ್ನು ರಾಜ್ಯದಲ್ಲಿ ವ್ಯವಸ್ಥೆ ಮಾಡಲು ತಂಜಾವೂರು ನಾಯಕ್ ಅರಸರನ್ನು ಸಂಪರ್ಕಿಸಿದರು. ಅರಸರು ಒಪ್ಪಿಕೊಂಡರು ಮತ್ತು ದಾನಿಶರು ತಮ್ಮ ಮನೆಯಿಂದ ದೂರವಾಗಿರುವ ಟ್ರಾಂಕ್ಯುಬಾರ್ ಅನ್ನು ತಮ್ಮ ನಿವಾಸವಾಗಿಸಿಕೊಂಡರು. ಈ ಒಂದು ಮಂಪರಾಗಿರುವ ಸಣ್ಣ ಮೀನುಗಾರಿಕೆ ಹಳ್ಳಿಯು ಇಂದು ತಮಿಳು ನಾಡು ಪ್ರವಾಸೋಧ್ಯಮದ ಹೊರಹೊಮ್ಮುತ್ತಿರುವ ಮತ್ತು ಪ್ರಮುಖ ಸ್ಥಳವಾಗಿದೆ, ಭಾರತದಲ್ಲಿ ಪ್ರವಾಸಿಗರಿಗೆ ದಾನಿಶ್ ಅನುಭವವನ್ನು ಒದಗಿಸುತ್ತದೆ!
ಟ್ರಾಂಕ್ಯುಬಾರ್ ನಲ್ಲಿ ಭೇಟಿ ಮಾಡಬಹುದಾದ ಸ್ಥಳಗಳು
ಟ್ರಾಂಕ್ಯುಬಾರ್ ಟೌನ್ ಗೇಟ್ವೇ
ಟ್ರಾಂಕ್ಯುಬಾರ್ ಪಟ್ಟಣವು ರಾಜ’ರ ಬೀದಿಯಲ್ಲಿದೆ, ಹಾಗೆಂದರೆ ತರಂಗಂಬಾಡಿಯ ಮುಖ್ಯ ಬೀದಿಗಳಲ್ಲಿದೆ ಎಂದು. ಸ್ಥಳೀಯರು ಈ ಗೇಟ್ ಅನ್ನು “ಗೇಟ್ವೇ ಆಫ್ ಟ್ರಾಂಕ್ಯುಬಾರ್” ಎಂದು ಕರೆಯುತ್ತಾರೆ ಮತ್ತು ಕಳೆದ ಕೆಲವು ವರ್ಷಗಳಿಂದಲೂ ಇದು ಪಟ್ಟಣಕ್ಕೆ ಮುಖ್ಯ ದ್ವಾರವಾಗಿತ್ತು. ಮುಖ್ಯ ಗೇಟ್ವೇ ಅನ್ನು ದಾನಿಶ್ ಆಳ್ವಿಕರು ನಿರ್ಮಿಸಿದರು, ಆದರೆ ಅದನ್ನು ಆನಂತರ ದ್ವಂಸಗೊಳಿಸಲಾಯಿತು. ಆಧುನಿಕ ದಿನಗಳ ಗೇಟ್ ದಾನಿಶ್ ವಾಸ್ತುಶಿಲ್ಪ ಶೈಲಿಯನ್ನು ಹೊಂದಿದೆ. ದಿ ವೈಟ್ ಗೇಟ್ವೇ ಮೇಲ್ಭಾಗದಲ್ಲಿ “ಅನೊ 1792” ಶಿಲಾಶಾಸನಗಳಿವೆ, ಹಾಗೆಂದರೆ ‘ಗೇಟ್ವೇ ಅನ್ನು 1792ರಲ್ಲಿ ನಿರ್ಮಿಸಲಾಯಿತು’ ಎಂದು.
ಡಾನ್ಸ್ ಬೊರ್ಗ್ ಕೋಟೆ
ಇಲ್ಲಿಂದಲೇ ಟ್ರಾಂಕ್ಯುಬಾರ್ ನಲ್ಲಿ ದಾನಿಶರ ಆಳ್ವಿಕೆ ಆರಂಭವಾಯಿತು. ಡಾನ್ಸ್ ಬೋರ್ಗ್ ಕೋಟೆ ಅಥವಾ ಸ್ಥಳೀಯರು ಉಲ್ಲೇಖಿಸುವಂತೆ “ದಾನಿಶ್ ಕೋಟೆ” ಯನ್ನು 1620ರಲ್ಲಿ ನಿರ್ಮಿಸಲಾಯಿತು. ಕೋಟೆಯು ಬಂಗಾಳ ಕೊಲ್ಲಿಯ ಸಮುದ್ರತಟದಲ್ಲಿ ಸ್ಥಾಪಿತವಾಗಿದೆ ಮತ್ತು ಆಕರ್ಷಕ ಸಾಗರ ದೃಶ್ಯಾವಳಿಗಳನ್ನು ಒದಗಿಸುತ್ತದೆ. ಕೋಟೆಯು ಸ್ತಂಭಗಳು ಮತ್ತು ಎತ್ತರದ ತಾರಸಿಯೊಂದಿಗೆ ಒಂದು ವಿಭಿನ್ನವಾದ ವಾಸ್ತುಶಿಲ್ಪ ವಿನ್ಯಾಸವನ್ನು ಹೊಂದಿದೆ.ಕೋಟೆಗೆ ಎರಡು ಮಹಡಿಗಳಿವೆ, ಆದರೆ ಡಾನ್ಸ್ ಬೋರ್ಗ್ ಕೋಟೆಯ ಬಹಳಷ್ಟು ಕೊಠಡಿಗಳು ಮುಚ್ಚಿರುತ್ತವೆ. ಇಂದು ಸಹ, ಕೆಲವರು ಸಮುದ್ರದ ಕಡೆಗೆ ಗುರಿಯಾಗಿಸಿದ ಚರ್ಮಶಾಸನವನ್ನು ನೋಡಬಹುದು! ಟ್ರಾಂಕ್ಯುಬಾರ್ ನಲ್ಲಿನ ದಾನಿಶ್ ಸಾಮ್ರಾಜ್ಯದ ಪರ್ವದ ಬಗ್ಗೆ ಆಸಕ್ತಿಹೊಂದಿರುವವರು ಈ ಕೋಟೆಯನ್ನು ಭೇಟಿ ಮಾಡಲೇಬೇಕು. ಅಂತೆಯೇ ಇಲ್ಲಿ, ದಾನಿಶ್ ವಸ್ತುಸಂಗ್ರಹಾಲಯವನ್ನು ಸಹ ಭೇಟಿ ಮಾಡಿ ಅದರಲ್ಲಿ ಟ್ರಾಂಕ್ಯುಬಾರ್’ನ ದಾನಿಶ್ ಇತಿಹಾಸದಿಂದ ಹಲವಾರು ಪ್ರಾಚೀನ ವಸ್ತುಗಳಿವೆ.
ನ್ಯೂ ಜೆರುಸಲೇಂ ಚರ್ಚ್
ರಾಜರ ಬೀದಿಯಲ್ಲಿ ಇರುವಂತಹ ಒಂದು ಅಭೂತಪೂರ್ವ ವಾಸ್ತುಶಿಲ್ಪ ಎಂದರೆ ನ್ಯೂ ಜೆರುಸಲೇಂ ಚರ್ಚ್. ಆರಂಭಿಕ ಚರ್ಚ್ ಕಟ್ಟಡವು, ಜೆರುಸಲೇಂ ಚರ್ಚ್ ಎಂಬ ಹೆಸರನ್ನು ಪಡೆದಿತ್ತು, ಅದನ್ನು ಒಂದು ದಾನಿಶ್ ಮಿಶಿನರಿಯು 1707ರಲ್ಲಿ ನಿರ್ಮಿಸಿತು. ಆದರೆ 1715ರಲ್ಲಿ ಒಂದು ತೀವ್ರ ತ್ಸುನಾಮಿಯು ಚರ್ಚ್ ಕಟ್ಟಡವನ್ನು ಹಾಳು ಮಾಡಿತು. ಅದರ ಪರಿಣಾಮವಾಗಿ ಹೊಸ ಜೆರುಸಲೇಂ ಚರ್ಚ್ ಅನ್ನು ಬೃಹತ್ ಸ್ಥಳಾವಕಾಶದಲ್ಲಿ ಮತ್ತು ಅಮೋಘ ವಾಸ್ತುಶಿಲ್ಪದೊಂದಿಗೆ ನಿರ್ಮಿಸಲಾಯಿತು. ಈ ಬಿಳಿ ಕಟ್ಟಡದಲ್ಲಿ ದಾನಿಶ್ ಮತ್ತು ಭಾರತೀಯ ವಾಸ್ತುಶಿಲ್ಪದ ಪ್ರಭಾವಶಾಲಿ ಸಮ್ಮಿಶ್ರಣವಿದೆ.
ಟ್ರಾಂಕ್ಯುಬಾರ್ ಮರಿಟೈಮ್ ವಸ್ತುಸಂಗ್ರಹಾಲಯ
ದಾನಿಶರು ಮಹಾನ್ ನಾವಿಕರು ಎಂದು ಪ್ರಸಿದ್ಧಿಹೊಂದಿದ್ದಾರೆ, ಮತ್ತು ಈ ವಸ್ತುಸಂಗ್ರಹಾಲಯವು ಅವರುಗಳ ಕೆಲವು ಉಪಕರಣಗಳನ್ನು ಪ್ರದರ್ಶಿಸುತ್ತದೆ ಅವುಗಳೆಂದರೆ ಹಳೆಯ ದಾನಿಶ್ ದೋಣಿಗಳು, ಮೀನುಗಾರಿಕೆ ದೋಣಿಗಳು ಮತ್ತು ಟ್ರಾಂಕ್ಯುಬಾರ್ ನ ಹಳೆಯ ನಕ್ಷೆಗಳು. ಮರಿಟೈಮ್ ಇತಿಹಾಸದಲ್ಲಿನ ಮಹಾನ್ ಪುಸ್ತಕಗಳ ಸಂಗ್ರಹಣೆಯ ಹೊರತಾಗಿ, ಇಲ್ಲಿ ಟ್ರಾಂಕ್ಯುಬಾರ್ ನಲ್ಲಿ ಸಂಭವಿಸಿದ 2004ರ ತ್ಸುನಾಮಿಯ ಪರಿಣಾಮಗಳನ್ನು ಪ್ರತಿಬಿಂಭಿಸುವಂತಹ ಒಂದು ವಿಶೇಷ ಭಾವಚಿತ್ರ-ಚಲನಚಿತ್ರ ಪ್ರದರ್ಶನವನ್ನು ಟ್ರಾಂಕ್ಯುಬಾರ್ ಮರಿಟೈಮ್ ವಸ್ತುಸಂಗ್ರಹಾಲಯದಲ್ಲಿ ಆಯೋಜಿಸಲಾಗಿದೆ. ವಸ್ತುಸಂಗ್ರಹಾಲಯಕ್ಕೆ ಪ್ರವೇಶ ಶುಲ್ಕವು ಭಾರತೀಯರಿಗೆ ರೂ.5 ಮಾತ್ರ.
ಟ್ರಾಂಕ್ಯುಬಾರ್ ಬೀಚ್
ಇದು ಭಾರತದಲ್ಲಿರುವ ಪ್ರಣಯಮಯ ಬೀಚುಗಳಲ್ಲಿ ಒಂದಾಗಿದೆ, ನೀವು ನಿಮ್ಮ ಸಂಗಾತಿಯ ಕೈ ಹಿಡಿದುಕೊಂಡು ಈ ಬೀಚ್ ನ ಉದ್ದಕ್ಕು ನಿಧಾನವಾಗಿ ನಡೆಯಲು ಇಷ್ಟಪಡುತ್ತೀರಿ. ಬೀಚ್ ಅತ್ಯಂತ ಶುಭ್ರವಾಗಿದೆ ಮತ್ತು ಸಾರ್ವೆ ಮರಗಳಿಂದ ಅಲಂಕೃತಗೊಂಡಿದೆ. ಇದು ಬಂಗಾಳ ಕೊಲ್ಲಿಯ ಮನಮೋಹಕ ದೃಶ್ಯವನ್ನು ನೀಡುತ್ತದೆ. ಟ್ರಾಂಕ್ಯುಬಾರ್ ಬೀಚ್ ನ ಅಗ್ರಮಾನ್ಯ ಆಕರ್ಷಣೆಗಳಲ್ಲಿ ಒಂದೆಂದರೆ ಪ್ರಾಚೀನ ದಾನಿಶ್ ಉದಾತ್ತ ವ್ಯಕ್ತಿಯ ಬಂಗಲೆ ಅದನ್ನು ಈಗ ಒಂದು ಐತಿಹಾಸಿಕ ಹೋಟೆಲ್ ಆಗಿ ಪರಿವರ್ತಿಸಲಾಗಿದೆ.
ಇದನ್ನು ಟ್ರಾಂಕ್ಯುಬಾರ್ ಅನ್ನಿರಿ ಅಥವಾ ತರಂಗಂಬಾಡಿ ಎಂದು ಕರೆಯಿರಿ, ಆದರೆ ಇದು ಭಾರತೀಯ ಇತಿಹಾಸದ ನೆನಪುಗಳ ಒಂದು ವಿಶಿಷ್ಟ ಭಾಗವನ್ನು ತನ್ನಲ್ಲಿ ಕಾಪಾಡಿಕೊಂಡು ಬಂದಿದೆ. ಚೆನ್ನೈನ ಜನಸಮೂಹದಿಂದ ದೂರವಾಗಿ ಮತ್ತು ಪಾಂಡಿಚೆರಿಯುಂದ ಬಹಳ ಹತ್ತಿರದಲ್ಲಿರುವ, ತರಂಗಂಬಾಡಿಯು ತಮಿಳುನಾಡು ಪ್ರವಾಸೋಧ್ಯಮ ಆಕರ್ಷಣೆಗಳಲ್ಲಿ ನೋಡಲೇಬೇಕಾದ ಸ್ಥಳವಾಗಿರುತ್ತದೆ.
